Uppsjóvarvirkið Pelagos varð stovnað í 2014. Vit leggja okkum eftir at framleiða hágóðsku uppsjóvarfisk úr Norðuratlantshavi. Virkið er sera framkomið, og leggur dent á at handfara fiskin rætt og varliga og undir neyvum eftirliti fyri at varðveita góðskuna gjøgnum alla framleiðsluna.
Vørurnar frá Pelagos verða seldar um allan heim.
Eigararnir av Pelagos eru Sp/f Framherji, P/F Palli hjá Mariannu, P/F Havsbrún og P/F Enni.
Sp/f Framherji er eitt av stóru feløgunum í føroyskari fiskivinnu. Felagið eigur og rekur uppsjóvarskip, flakatrolara og línuskip.
P/F Palli hjá Mariannu er eitt av stóru feløgunum í føroyskari uppsjóvarvinnu.
Felagið eigur og rekur uppsjóvarskip.
P/F Havsbrún er ein av størstu framleiðarunum av fiskamjøli og fóðri í Norðuratlantshavi. Havsbrún er partur av Bakkafrost samtakinum.
P/F Enni er íløgufelag í Fuglafirði.
Eigararnir og stovnararnir av Pelagos hava drúgva søgu og eru framvegis virknir leikarar í føroyskari fiskivinnu og alivinnu.
